السلام عليكم و رحمة الله
من كام يوم لاقيت عندنا 3 كتب من سلسلة تعليمية للأطفال، يعود تاريخ نشرها لـ 1985. أنا فاكرة اني و انا صغيرة كنت بحب أقلب في الكام كتاب دول بالذات عشان الصور و الرسومات كانت بتشدني أوي :] من غير ما أفهم ولا كلمة عشان مكنتش لسة بعرف أقرا أساساً :]
بعدين لما كبرت بقى و بقيت بعرف أقرأ فهمت انهم عن الفيزياء و الكيمياء و الأحياء.
و بعدين لما كبرت شوية و بقيت بفهم كانت أول مرة في حياتي أعرف يعني إيه الخاصية الشعرية، أو البناء الضوئي، و حاجات كدة من الكتب دي.
دي مثلاً صفحة من كتاب الأحياء عن الخلايا .. بيشرح إزاي كل جزء في الخلية ليه وظيفة مختلفة، و كله بالرسومات :]
 |
| اضغط على الصورة للتكبير |
الكتب دي كانت مترجمة للعربية في دار نشر في لبنان، المترجم كتب في آخر كل كتاب نبذة تعريفية عن السلسلة، عجبني منها الفقرة دي:
"و مع أننا لم نأل أي جهد في إخراج هذه الكتب على أحسن صورة ممكنة شكلاً و مضموناً، فإن ثمة مشكلات ما فتئت تؤرقنا. أهمها عدم استقرار المصطلح العلمي العربي في الوقت الراهن. بيد أننا ننظر إلى هذه المسألة على أنها مؤقتة و لا بد من زوالها متى مارسنا العلم بلغتنا الأم و أمسينا مجتمعاً منتجاً لا مستهلكاً، و مبدعاً لا تابعاً. على أي حال، سوف نستمر في مواكبة آخر تطورات هذا المجال في طبعاتنا المقبلة بإذن الله."
"و مع أننا لم نأل أي جهد في إخراج هذه الكتب على أحسن صورة ممكنة شكلاً و مضموناً، فإن ثمة مشكلات ما فتئت تؤرقنا. أهمها عدم استقرار المصطلح العلمي العربي في الوقت الراهن. بيد أننا ننظر إلى هذه المسألة على أنها مؤقتة و لا بد من زوالها متى مارسنا العلم بلغتنا الأم و أمسينا مجتمعاً منتجاً لا مستهلكاً، و مبدعاً لا تابعاً. على أي حال، سوف نستمر في مواكبة آخر تطورات هذا المجال في طبعاتنا المقبلة بإذن الله."
قعدت أتخيل، لو عندنا كتب عربية زي دي كدة، بتعلم الطفل حاجات مفيدة بطريقة تشده و تبسط له المعلومة، في كل المجالات بقى: حساب و عربي (نحو و تراكيب و شعر و بلاغة و كله) و علوم (بأنواعها) و جغرافيا و هندسة مثلا!
و بقى عندنا جيل أطفال بيقرأ الحاجات دي بدل قصص سوبرمان و لا قصص بوجي و طمطم مثلا D:
ساعتها ممكن يطلع من الجيل ده علماء يبدعوا في العلوم (بلغتنا الأم) زي ما المترجم كان عايز..
